窩心的互動

今日同姊妹做COACH, 她先送我們一份HAND-MADE COOKIES, 當堂覺得好窩心。

再傾落去, 知道佢個男仔發展中, 中間佢都認得做窩心野: 跟男仔慶祝生日, 送HAND-MADE禮物, 甚至送花...

佢話個男仔都表達佢好開心心甜。梗係啦, 其實無論男人女人都鐘意人"乙水"。同時間, 感情O既發展其實係互動O既遊戲, 個女仔表示「友好」同時, 男仕都好「識做」, 對佢表達多更多欣賞&好感。

坦白講, 我真係有D 期待, 希望你地感情能夠再升溫, 好快收到你地好消息.... !!

TERRY

YOUR LOVE COACH

高才女醫生都說談戀愛「影響學業」

尋日同個學生（其實佢已經係一位高級女醫生）飲咖啡，佢好開心咁話我知佢已經拍拖，係同一位老師，而呢位老師男朋友又同佢去廸士尼玩，又去行山，又一齊跑步，又去澳門，又去食好野，仲要合照，又自備腳架，又自拍神棍，又美圖晒d 合照又加晒心心....見佢成個人真係好開心，認唔住要狂曬，認真戥佢開心...
談話中佢提到剛剛完左個master course 的考試，我知佢係考試能手，佢會考差不多無一科拎到B(全A)，我同佢講都實 Distinction,但佢竟然話，我pass 就算，掛住拍拖都無咩讀書，佢話：「原來談戀愛真係會影響學業」...哈哈哈哈，大家就大笑起來...
祝福佢愛情永遠得意，同老師永遠都咁甜蜜，而讀書就...算啦....讀左咁多年....夠嘞....書本不能給你這種快樂！

Joe 
Relationship Consultant

Four Steps 齊齊做荀盤 – 男仕篇

其實想做一個情聖一般的魅力男，不一定要任達華、吳彥祖一樣咁靚仔有型，其實只要執一執好四個範疇 — 外型、禮儀、談吐和follow up，即刻成為一個魅力Gentleman，對方就算未即刻愛上你都一定會Classify 你係一個好男人「筍盤」。

外型

不同類型的女仕對男仕的外型都有不同的期待和要求，但全部都有一致性的特點就是「整潔」。而很多男仕都覺得自己做得到，因為阿媽日日都有幫佢地洗衫，男仕們你是否都有這樣想法呢？對不起，你太天真了！尤其是香港這個大城市，你用這個想法太落伍了！你要知道你身邊的女仕都是很有見識的香港女性，你跟她們一樣都是在一個五光十色的香港長大，我相信你都希望找到一個衣著合時的女朋友，而不是一個由七十年代返o黎香港的「林亞珍」阿姑Look的女朋友，如果有一個日日都有洗衫的「林亞珍」Look的人係你面前，你腦中都一定有閃過而覺得她好像有點「污糟」，其實這都是來自一種「太舊」的感覺。

想要「整潔」的感很簡單，而且很容易又不會太花你的錢，亦不需要你有很好的Fashion Sense，跟著下面幾個點子做就可以有很大的改善。

1) 放棄藍灰啡，黑白粉紅才是你的好朋友

很多男人，尤其IT人很喜歡藍灰啡三隻顏色，仲要係深深沉沉果隻，你知道這些是很「勞動」的顏色嗎？再加上洗得三四次之後(尤其「平價一D」連鎖店內 $99一件的淨色系列)，有一些殘舊的感覺，成個「勞動領袖」咁既款，雖然有一D誇張左，但你問一問其他人的意見就明白！如果真的要這三種顏色，藍要天空藍，灰啡都要勁深得黎有一點光澤的，所以很難handle 的三隻顏色。

而黑、白、粉紅色會是最容易襯而且永遠對的選擇，男仕Casual Look – 牛仔褲白色去街款波鞋加一件乾淨白色或粉紅色裇衫加多一件黑色Casual 西裝褸，一定無錯的配搭，白色給人乾淨的感覺，黑色會添一份型格。夏天一樣，黑色布褲或深藍色牛仔褲 (請盡量不要調轉買黑色牛仔褲和深藍色布褲，多數都會買錯！)，加一件白色或粉紅色的POLO shirt，it’s smart!

2) 打開雙眼，有版你睇!

最簡單的方法就是到一些類似ZARA、H&M的鋪頭，看到他們怎樣將DISPLAY 的膠公仔 MIX AND MATCH，然後照單全收，唔洗諗，人地一家夾到最Presentable，咁可以連印象指導都慳番。

3) 唔好貪平!

節儉呢個美德，好多單身男都會用係衣著方便，他們都分不出$400-$500一件歐洲品牌的恤衫跟一件跟一件本地品牌的恤衫的分別，穿的人可能覺得無咩分別 (其實係CUTTING、選料、顏色的配答都有很多不同之處)，但別人一定看到，愛美的女性一定看到，現在目標為本，以吸引別人，令對方有好感為大前提，買貴百零蚊，件衫著廿次，每次多幾蚊，但型仔好多，自己計下數啦!

基本禮儀

很多男仕對自己的禮儀都很有信心，覺得自己是很有禮貎，但其實禮貎跟禮儀是很大分別，幼稚園和小學的時候所訓練的就叫做做禮貎，例如：見到人要打招呼、成日講唔該、成日講對唔住，唔好意思呀、見面握手、離開前講拜拜等。但這些並不夠顯示你成熟和細心，超過八成女性都要求對方成熟和細心，而First Impression和頭幾次約會其實是成為情侶前的很重要的觀察期，而基本的禮儀如果你能做到這幾點，一定能取得對方的好感。

1) 早到10分鐘

香港人好忙，樣樣事都係一件緊接一件，第一次約人，男仕切忌遲到，遲到會給別人不被尊重的感覺，而且對方會懷疑你 Time Management 的能力，並不會欣賞你是大忙人，事業型男仕，所以大忙人，請你不要誤會。

2)      Book 定枱

尤其是頭一兩次食飯，大家唔係咁熟，係銅鑼灣等位食飯或者搵餐廳會是一件很討厭的事，而且很影响大家溝通的質素，其實大家可以選擇，有少少planning，早一點食晚飯 (六點或六點半的時間)，book 定枱，又唔迫，又一定有位，而且女仕一定很欣賞你的按排。

3) 不要傾過12秒的電話

知道大家好忙，秒秒鐘幾十萬上落，但係此刻只得你們兩個人的時間，正是你們二人世界的開始，有電話黎當然可以接，但最好就同人傾轉頭打番俾佢，你知道嗎，坐於你對面的女仕12秒可以諗到好多野同埋做到好多野，劉翔都係唔洗12秒打破左世界紀錄。

4) 唔好諗住AA制

如果你唔諗住同對方再食第二餐，AA制都OK，因為AA制代表左無拖無欠，如果女仔絶對要求一定要俾番錢你的話，亦可能係暗示唔想再見到你，所以唔好期望AA制。大家出黎辦事咁多年，一人俾一餐，先係大方的表現。

談吐「開口講多d野！」

好多男仕都話自己唔識野，但其實女仔最怕悶，女仔最鐘意就係傾計同sharing，點解？大家有無留意中學時期每逢小息時男仔同女仔係做d 咩? 男仔係衝落操場打波，唔洗點講野ga！而女仔會做d 咩呢？咪係圍埋一埋埋咁傾計講心事同講是非，所以女仔講野叻d係有得解ga，哈哈哈！

但係你想個女仔同你click到，一定要由傾計開始，幾唔想幾唔叻幾辛苦到要做，明明係電車男講野講到一舊舊都要講，講得唔好都要講，唔知講咩就諗定講d咩，問人咩問題，講一d你既經驗、故事、難望的經歷、甚至旅行經驗都可以好多野講，enjoy一下同人溝到，咁咩女仔一定好enjoy同你一齊的時間。

Follow up (After Dating SMS)

SMS可以話係男女發展中的重要發明，一個合宜的關心SMS可以話保持聯絡的最好方法，由短訊中的虛寒問暖，到再約人出街都係一個極好的方法，但切忌太過急進的SMS轟炸，令人怕左你時又幫你唔到！

如果以上的四點能做得好，九成可以得到良好的First Impression，再出街再食飯一定不是問題，分分鐘你呢個筍盤就咁成為熱賣單位，不需要再做孤兒仔，有人愛你啦….成交！ (如有需要指導，請聯絡Change Status – 2618 8511)

妳這剎那在何方，我有說話未曾講。

慢熱和怕羞都是很多單身人仕的死穴，尋日聽到有個女仔分享，識左一位男仕，單獨約會時，男的只是機械式回覆答案，她就對單身男仕非常失望，我問她那位男仕做什麼工作，她答我...會計部經理....哦....我明白....其實情況未必咁差....只是老爺車死火啫。

好多乖乖仔讀書男仲係單身，他們條件不錯，大學或碩士畢業，穩定工作，溫文又斯文，不煙不酒，不賭不嫖，好老公的選擇，點解會咁？其實佢地超級慢熱和怕羞....

之前我有個case，有位基督徒女仔識左個男仔食完一餐飯後就問我同一個問題...「個男仕出黎都無野講，問一句答一句，我見佢係基督徒我先仲諗下咋」，跟住我問佢個男仔做咩㗎？佢話係Engineer....明晒....跟住我講個比喻佢聽，話說我之前趕住用車，問我親戚借車，去到攞車，點知佢原來半年有多無開過部車，點知一撻車，一d反應都無，又無燈著，一d聲氣都無，我見咁，都諗住走，但親友知我急用車，不斷撻車，大大話撻左半粒鐘，由多少少聲，開始有多少少引掣聲，最後差不多成粒鐘，撻著晒部車，其實撻著左都有少少驚，仲得唔得㗎？但戚友一番心意，當然繼續去，拎去揸，點知真係好ok wor....揸左幾個星期，好好揸，性能仲好好......

講番個無野講的Engineer，我將呢個故事講番俾個女仔聽，鼓勵佢「撻多兩下車」同佢傾多兩句當豪俾佢，佢初初半信半疑，要佢女仔人家主動找人傾計，我再鼓勵佢，呢d 絕版車（單身基督徒又有d事業，樣又唔差）買少見少，再試下....

點知佢兩個星期後返黎同我講，原來佢好多野講，出多兩次街之後，個Engineer係咁捉住佢講好多自己野出黎，好快佢地就拍拖熱戀，每星期見三四次，而家好似都談婚論嫁Tim......

再講番會計經理的case....他很大機會是慢熱和怕羞，可嘗試俾多少少時間，你睇Engineer 的case，如果一次就K O 佢，消失在他的眼前，他可能只可以午夜夢徊：「妳這剎那在何方，我有說話未曾講。」請給他們機會說些話，但....通常不能在第一次見面，尤其是他們是非前線接觸客戶工作的男仕....

#JOE 談戀愛 #LOVE STORY # LOVE AFFAIR #慢熱 #怕羞

Facebook 愛驚「暈」

有位成熟的女性朋友為左盡快搵到男朋友，知道左Personal Branding 好重要，很努力改變，放了很多自己很開心的照片，張張笑，又發放很多正能量在 Facebook 上....好可惜....

有一日....令人驚恐的事情出現，係佢inbox 出現左一句佢重未見過的說話，因為黎得太突然，當時佢手足無措，完全唔知點算，當她平定落黎嘅時候，覺得應該都是惡作劇，正想唔理佢之際，但接二連三好幾句從未曾見過的說話再投進inbox...

從那邊那個他的message 來了"妳好！可以做個朋友嗎？""我看見妳的相片覺得妳很開心""可以做個朋友，我不會太唐突嘛？"......

呢位咁有魅力的女仔（是上完我堂的學生）就打俾我求救，問我點算呀？我初初都窒一窒，咁離奇，係Facebook message, 事前又唔識，但都追索到係uncle的friend，我都驚驚地，都驚有咩不法之徒，但佢都係忍唔住同佢傾下inbox 計，其實睇番呢個男個Facebook 都好真實，可追索好幾年前的他，確實係幾正氣幾man果種，咁佢就問我應該點做，我其實都唔知點，不過我只想佢好，同埋唔想佢放過可能是好的機會，我就suggest 佢，要盡快見，唔好停留係文字和網絡太耐，太 virtual 太唔真實，見到真人先係真，見得小心d 就得，小心身體接觸同錢銀就輸極有限，最多請埋佢食餐飯都係輸盡3舊水.....咁佢就大大胆地去了。

一個月之後，尋日佢和我食飯，佢已經拍拖了，發展得很好很快，常常show給我聽佢地點樣點樣，個男仔點冧佢點愛佢，直頭成個人都暈了，雖然呢餐飯都係咁聽到d 比較肉麻的情節，第三者都有d骨痺，但真是非常非常替佢高興.....

大家有無興趣想知佢做過d 咩，令到佢係Facebook 都吸引到好男仔追佢呢，如果呢篇文起過100人like，咁多人有興趣知，我到時再話俾大家知...

失戀的人，你好番Ga La...!!!

早幾日同個姊妹做personal coach問問她的感情狀況，有沒有感情正在進展，她是少數的完全空白，當時我便很心急教她要做這做那，但發覺她還未完全放低以前的感情，所以她的戀愛行 動足襟見肘，話說她6年前離婚後，上帝醫治了她很多，又願意參加下一些活動和單身團契，行動上尚算努力，但依然孤身隻影，行動沒 有得著結果，為何呢? 因為她總是身心不協調，很多框框令她不能向前行，最重要她常說她未有被完全醫治，怕會影响下一段感情，她說可能要多些時間讓完全被醫治才可以上路......

我唔知我以下的講法你認同與 否，但我就是這樣跟她說:

1. 沒可能完全被醫治，除非你可以為此事感恩，因為如果你不能為事情感恩，你段過去不能因任何醫治或時間由你的記憶中刪除，除非你失憶，這傷口好 了，你可以繼續行動，但疤痕一定係度，你想連條疤痕都無埋先叫做完全醫治，我諗唔可 能，可能我才疏學淺，但我想信你不能delete這些咁深 刻的過去。所 以不要成日話自己未好番晒，或久唔久又拎出黎醫治下，一醫就拎d過去重新數一次，又拎條疤痕出黎講，講到喊又話舒發左， 做一兩次呢d舒發得ga la, 之後就話俾人聽無事啦，繼續行啦... 仲有一個口訣可以幫到大家，當你一要提到以往不開心的事，先講三個字"感謝主", "感謝主，我離左婚…", "感謝主，佢走左…",因為用左呢三個字做開始之後，要講一些正面的點子才可以繼續你的句子，事情都會變得美好了!

2. 唔好成日講同望番條疤痕, 條疤痕肯定係跟你一世，只要唔睇佢唔望佢唔諗佢，你同佢係相安無事，但你望番條疤，一問自己點解會咁，再問你自己我做錯d乜，恭喜你，你又返入去坐(監) 嘞…唉…

3. 放低是沒有時間和方法，只有你肯唔肯，兩歲小朋友都識放係手上的物件，所以放低係唔駛學，因為只係一下動作，當然你可能 拎住好多野唔係一放就放晒，但都係你肯唔肯放，你肯放就自然放得低。

4. 很多人因為經過一次感情的失敗，常常都驚之後再失敗再受傷，其實都有機會咖，但為左怕傷而不再去享受愛情的美好，就好似 有些食魚被魚骨哽傷過的人，以後都唔再食魚，其實人生就少了一種重要的美食。同埋我跟她說另一個口訣:"我相信主 會...", 這個句子延伸練習我想不會成為，"我相信主會再給我一個衰人"啩? 都應該會說為"我相主會給我一個很了解我的人"或"我相信主會給一個很愛我的人",記得要我相信主呀!

情傷的人，失戀的人，你好番㗎嘞，珍惜光陰，上路啦!

緣份﹣﹣美麗的 名字，最好的Excuse!

好多人處於單身時都會為自己解釋「緣份未到」，四個字就將事情合理化，亦唔需要再為自己的婚姻 大事努力，因為大家都迷信「緣份無得強求！」或「緣份的事，唔到人控制！」聽完呢兩句說話就更加叠埋心水等運到！

但點解有d人，成日都有緣份到，明明早兩個月聽佢講「分左手」，轉個頭又有新拖友；亦有d人成 日都得個「等」字，遲遲都無緣份到呢？咁呢個世界係唔係咁唔公平，緣份不公平分配？

係！的確係唔公平，有d女仔係好多人追，又有d男仔俾好多女仔暗戀，但當然又有好多人完全無晒 計，努力過，都係得過桔！

所以，如果我地嘗試用緣份來解釋這個現象，我地會覺得不公平，亦唔知點解自己無咩緣份到。但其 實這一切都來自各人的吸引力，你個人對異性的吸引力越多，就越多人對你有興趣，但如果你沒有吸引力，你點擺你的桃花 陣（我信耶穌就更加唔信啦），都無作用！

就快新年，等我教下大家點整一個吸引異性大法，等大家新年搵番個好老公好老婆啦！

男人想得女仕喜愛，吸引力的提升好簡單：

1. 剃鬚干淨整齊不長髮不老土

好多男人誤會男人唔剃鬚會好man, 好可惜九成女人都唔鍾意男人留鬚，其實好似男人見到女人著背心唔剃「格勒底」毛一樣；仲有呢個世界得一個木村拓哉，一個金城武，同一個鄭伊健，你唔係佢 地，「長頭髮，衰硬！」

2. 斯斯文文必有運行

超過八成女仔都會鍾意男仔斯文look,其實一件兩粒鈕fit身的西裝褸就一定啱咖啦，去 uniqlo 睇下啦！平靚正！著得咁斯文，記得收埋把口，有講粗口同粗魯習慣的人，戒左d 粗口，講粗口都係衰硬！

3. 大方得體有風度 女士必讚

說話得體，有禮大方又識得尊重女仕，佢唔like你，都會介紹人去like你。

4. 主動必有好印象、說話有point就會Charm

主動提出話題、主動提出建議、主動關心等等，必有好印象，但口水佬說過不停除外！

另外，能多給予好意見同埋正面鼓勵，呢d通常都係good point，good point 越多，印象就自然越好。

5. 才華令你成為發光體

才華唔係一定好似劉德華咁好戲、李雲迪咁彈鋼琴，或者吟詩作對先叫做有才華嘅！正所謂天生我 才，更有一樣係你嘅強項或優點，（如果真係無，自己好好反省一下啦！）因為優點的凸顯可以讓別人集中在你的好處，從 而有理由地接你的短處，所以請你盡量搵出自己的優點，好好發揮，咁就得人鍾意咖嘞！

唔識講野可以好大鑊

可惜......

睇到呢段報道，首先欣賞鄭艷麗，能在水銀燈返 回麥當勞，令人敬佩，很不容易......

但當中有一point好重要，文內講到佢其實 唔識講野同內向，呢件事係非常大鑊㗎......

咁啱尋晚我教完搵好老公課程第五課 「networking」,我搵左班單身男仔同班女仔見面傾計，之後男仔會俾番一些會面後意見給女仔，其實係好兩極，即係同男仔 好好傾好易投契，一係就老鼠拉龜，傾完好似無咩講野咁，未有特別印象留到俾人......

其實溝通人際網絡，尤其new network 要極速跟人連結令人記得，又有合宜的跟進，才能發展，但很多人只流於說話，並不是溝通，好彩我教我的女仔學生怎樣跟進和連結，我知很多已經有跟那些男生繼 續交談......

如果鄭艷麗能主動識多d 人，enjoy多d 跟不同人連結，而不是最關注她的人是「早就退休」了的邵音音，我諗情況不一樣....同樣年期的葉玉卿的命運卻是不一樣，樣貌身材，我諗唔會差好遠，同一 天空下，為何她去好命走上，而波折的卻踫上她呢......我諗不只是上天不公平吧......希望各位怕羞的女生，開口開心開懷向幸福那處 走吧....