悔改中女 vs 傷透港男 By Joe, 你的Love Coach

中女想找好老公不宜貪快貪方便，speed dating真的很容易令你失望，但只要大家好好裝備，了解（單身）市場狀況，不一定讓妹妹仔唯我獨尊，有好多俾妹妹仔傷透，痛定思痛ge男人，佢地未必淨係睇妹妹仔，因「瀨」過好多次「野」，所以一些中年少少的女仔，如果都悔改，都可以有好好的發展，不一定像文章講到中女末日咁ge...

我有個女仕客年過三十中，第一次見佢，有幾個形容詞浮左出黎：「乖」、「撲實」、「隨和」，但這幾個優點好易俾男人看成「悶」、「老土」、「無性格」，就係咁，佢就一直情路空白，因為大家只當她為好朋友...

為左幫佢，我有技巧地同佢講左佢嘅優點好「蝕章」地會變成不利她的第一感覺。

跟著我同事帶佢幫個d又平又靚嘅衫（通常一千幾百都買幾大袋靚衫ga la)，幫佢搵番佢個personal branding - 佢好鐘意音樂，尤其古典，但要講得有趣味d，教佢點同異性溝通先會令大家有一種開心愉快的感覺，然后再教佢同點同男仔好好whatsapp同dating好好咁推進關係....

上兩個星期我搞左個event（單身的），佢好認真赴會，請左假，打扮得好有女人味又好sweet，我都眼前一亮好似另一個人咁，她悔改了，不再做一個只有"function"的女人，變成"fashion"+"function"的靚女，當晚，佢成功取悅左好多男仕的目光，還遇到一個同樣喜歡古典音樂的律師，現在還很穩定發展......

而男律師，感情路上亦不容易，因為盲都知佢筍盤的關係，一直都「野」埋好多「識貨」的「獵人」垂青，試過跟靚到不得了的美女一起，但沒有一種能心靈溝通的女伴之感，這次遇上了古典音樂愛好者，可以大談音樂，完全沒有dead air，再加上大家都有同樣信仰，感覺大家都聖經教導為人生價值觀標準，我相信這個Joyful Matching，絕對是天作之合，我也不太敢領什麼功勞，為他們感恩。

搵老公要親力親為 By Terry, 你的Love Coach

「我先唔會去婚介所呀咩speed dating ，叫我改呢樣改果樣，又唔保證一定識到男仔，未見官先打80大板咁！我忙到死，見完之後又得個桔。」

我聽過不少諸如此類的投訴，乍聽之下似乎很值得同情，實情是她們沒有把事實的全部告訴妳。

女生S就是其中一個「苦主」，女生S年過40才從百忙百之中抽空搵老公，由於她有的是錢，也不介意花錢到婚介公司速成搵老公這人生大事。身為公司高層的她獨欠時間，連找張能作配對的照片也是一種負担，於是求奇是旦找來一張公幹出差的自拍，對於婚介公司的提議置若罔聞，結果可想而知，參加配對服務多年仍然穩坐冷板櫈。

讓我告訴妳婚介公司不是什麼，婚介公司不是提供賣買男人的服務。妳當然認為自己沒有這個念頭，那麼請妳誠實、細心思想一下，妳找婚介公司的心態及動機會否也隱藏這種意圖？

那麼婚介公司是什麼？ 婚介公司的角色及功能，在於提供男女認識的「機會」，而並非一個可以做妳老公的男人。由於不少女生未能把握婚介公司提供的機會，作為感情顧問的我，當然會為妳把脈，也會與妳一同發現如何可以走出一條出路 。

有感情顧問的協助，不等於妳不用花心思及精力去認識及篩選異性。無論如何也需要妳親身上陣，這個角色是妳花多少錢也不能找別人代勞­的。見過有些女生接受不了這個現實，總認為自己付了一畢可觀的金錢，到頭來仍然找不到意中人，感覺自己受騙。帶著這種錯誤的期望來到婚介公司，自然是失望而回。

各位姊妹們，老公真的要親力親為㗎！即使妳參加婚介公司各種服務，明白了當中各種男歡女愛的心法及技巧，妳都責無旁貸，要自己去實行、嘗試、改進，唯有這樣才能夠了解自己的需要、塑造個人的約會風格，並對如何好好約會有更多把握及體會、更貼近搵到好老公的終極目標！

圖片來源：Copyright: <a href='http://www.123rf.com/profile_bugphai'>bugphai / 123RF Stock Photo</a>

用心經營愛情 By Joe, 你的Love Coach

香港人無錢買樓上唔到車唔係新鮮事，

原來法國嘅年輕人都逃唔過大氣候，

一對法國80後年輕夫婦無錢買樓

於是連山洞都都唔放過!

法國天大地大，

只要你肯試試挨，

用1蚊歐羅就可以買到一個山洞，

老老實實，住山洞真係好過住天穚底，

起碼合法又係自己物業，

唔洗四處為家重要比人趕。

呢對80後夫婦真係別開生面，

佢地有嘅唔單止係創意，

重有種馬死落地行嘅勇氣，

咁當然當地政府機構

肯賣個山洞比佢地就係好關鍵嘅！

我今次想講嘅係，

呢對年輕夫婦一齊解決問題、

一齊落手落腳設計間屋、

自己開路舖網路同埋裝修，

簡直令人目定口呆，

兩口子一齊耕耘過、挨過，

呢d經歷成為兩個人感情嘅基礎，

即使日後有爭拗，

都唔會郁d就話分手呀、離婚呀咁，

因為大家都為左個家、

為左對方付出過，

整間屋就係愛嘅見證！

有d拍左拖無幾耐嘅男女問：

「星期六日唔係行商場就係响屋企煲碟，

其實都幾悶，

原以為一齊之後會好開心，

但原來都只不過僅此而已！」

語氣中不無失望。

如果啱啱拍拖就搞都好似老夫老妻咁，

一d情趣都無，

淨係行商場window shopping 咁，

又真係幾悶嘅！

奉勸各位剛剛拍拖嘅戀人，

真係要花d 心思去經營下關係，

其實除左商場，

香港都重有好多特色地方值得一遊！

如果想有冷氣，

不妨搵下d 特色café 坐下，

如似boardgame café、寵物café，

再唔係一齊去學下種鮮人掌呀咁，

有得玩又有得學野，

日子真係可以過得好充實好開心㗎！

大家記得一齊嘅開心片段

會成為關係的滋養，

為感情紥下穩固嘅根基。

圖片來源：網上截圖

相片七宗罪 By Terry, 你的Love Coach

在配對庫的茫茫大海裡，即使戀愛顧問給妳精挑細選，男生符合妳的交友要求， 但妳卻給男生拒絕了。 為什麼男生不跟妳約會呢？為什麼他還沒有跟妳見面，便知道感覺不對？

事實是，他絕對不清楚跟妳是否投緣，但他是給妳「嚇跑」的。什麼？「嚇跑」？對！正確來說，是給妳的相片嚇跑。 

男生一般不會直認自己是外貌協會會員，但當一堆女生profile 放在眼前，他們絕對是樣子先決，這就是他們常掛在口邊的所謂「合眼緣」！ 

「嚇跑」男生的相片可以粗略歸類為以下七宗罪， 甚為趕客！妳的相片又中了多少項？ 

1.　沒有笑容
2.　打扮樸素，一身黑白藍灰
3.　光線不充足，或背光
4.　妳只佔相片很少的面積，全身照令妳不起眼
5.　環境太雜亂，妹仔大過主人婆，女生淪為大配角
6.　跟年齡或打扮不太配合的物件合照
7.　相片走焦、失焦，看不清楚妳的樣子

正所謂有圖有真相，女生們要突圍而出，一張靚相無疑是無得輸！但千萬別「矯枉過正」，過於依賴後期修飾，因為始終真人同相片有太大出入只會招來反效果，花心思做好拍攝的前期工夫最實際。

大家如果不懂攝影，找專業攝影師代勞吧，這樣可以快速提升相片的質素，成功展現妳美麗動人的一面！

圖片來源：網上截圖

生活驚動了愛情 By Joe,你的Love Coach

東華三院屬下一間輔導中心

做左個民調，

哇，作為香港人嘅一份子，

我當然深深感受到生活唔容易，

做香港男人重要顧住頭家，

重要過時過節豪花請食飯，

真真真係好難挨！

雖然話香港男女嘅地位已經較平等，

即係家庭開支呀、飯局開支呀

都願意一齊分担，

原來重有港男思想傳統，

竟然一餐豪花過千請客，

買餸買日用品要去高檔超市，

最後搞到欠下幾十萬債！

唉，到頭來先知道，

原來另一半肯share 生活費，

原來去平d嘅食肆係okay 嘅，

原來去街市買餸可以係兩口子嘅生活情趣！

有時有d野男女雙方無論拍拖定係結左婚，

財政方面呢d實務係要坦白去傾㗎，

唔傾反而造成不必要嘅負担添！

至於女方也要體貼男方多一d，

我甚至認為女生可以主動一點，

例如在交往初期，

大家重係朋友關係，

食完飯可以禮貌地問返佢，

講聲大家share 返餐飯，

如果男方願意請客，

女方不用堅持，

欣然接受就okay啦！

但交往多左都要主動share 返共同開支，

好多女生唔係唔想share，

而係唔知點開口，

其實好簡單，

不就是先多謝他的付出，

繼而關心他的金錢分配，

表示願意share 開支，

希望減輕佢嘅負担，

我相信善意嘅關懷唔會令佢誤會你睇小佢，

反而會令對方加分添，

因為一個善解人意、體貼他人嘅女朋友，

真係唔係隨時都遇到㗎。

也有機構發現剛入社會工作嘅年輕人，

簡單地把人工低、樓價高聯繫起來，

認為因為自己收入低導致搵唔到女朋友，

其實有咁嘅諗法真係好心酸，

似乎已經假設左愛情只係適合有錢嘅人、

同埋有樓嘅人，

愛情前所未有咁物質化了！

呢個係價值觀嘅問題，

兩個人走在一起，

真係唔保證以後生活無憂，

給你穩定的生活保障。

當愛情與金錢的關係

去到一個咁緊密嘅關係，

就係時候好好思考

你究竟想從愛情得到d咩。

大家不妨思考一下：

響你心中，愛情究竟是什麼？

你點解想拍拖同結婚呢？

圖片來源：網上截圖

逆轉男少女多的社會大氣候

香港久不久就會有男少女多的數字公佈，嚇得一眾單身姊妹花容失色，似乎自己能夠找到如意郎君的機會已經是負數。

數字是死，人才是生的。真的，我不是說那些數字不對，或想推翻數字的準確性。我只是想指出，困難從來都存在，現代的香港社會適婚年齡層也真的是男少女多，但究竟我們是否只有一種的閱讀方向？

大家細心觀察身邊四周的男歡女愛，女生有一個以上的男性追求者仍然大不乏人，為什麼有些女孩總是能夠逆向發展，身邊收兵如常？我不是叫姊妹否定現實的處境，而是鼓勵大家要從不同角度去思考問題。既然大家都活於香港，難道就有人可以免於社會大氣候的影响而獨善其身？

我相信妳的任務不是提升男生的數量，這些留給政府吧！我的意思是，妳只需要在妳的生活圈子裡創造男多女少的情況！無錯！這就是妳搵老公的必備心態及技能。

最簡單的方法就是觀察那些多男生追求的女生，放下妳的妒忌、驕傲、自憐等情緒與心態，試試分析一下她們的優點：究意別人做了些什，能夠令自己如此受歡迎？我能夠學習的又是什麼？

事實上，妳根本不需要也不能夠把別人的條件及情況完全倒模過來，而是明白別人的吸引力所在，然後思考自己可以如何也運用到這些方法。舉個例子，女生A 是個大美人，而我長得平凡，假如我是不會透過整容去改變容貌，那麼我可以怎樣？我能夠做的是找出自己容貌較獨特的地方：雖然我輪廓一般，但皮膚好，透過衣著配搭來營造屬於自己的氣質。

逆轉男少女多的生活圈子是需要時間和金錢去經營的，大家別想一步登天，但妳的努力一定不會白費，加油！

By Terry, 你的Love Coach

圖片來源：網上cap 圖