他怎麼還不表白？

農曆新年前後，已經有三個女生問我有關心儀男生為什麼不表白的問題。她們既然問得這條問題，前設該是她認為男生也喜歡自己。沒錯，我認為得先弄清楚前設，就是男生是否真的如妳所願般喜歡妳？

女生K 告訴我一些二人相處的細節，期望證明男生喜歡她。這個情況我是十分理解的，但問題是：舉止如常甜絲絲的望著妳、每次約會後會送妳回家等，都似乎是達友以上、戀人以下的關係，甚至對某些男生而言，這些都是基本禮儀而已。

許多女生很容易把男生未表白歸因為「被動」、「慢熱」，這個當然也是其中一個原因，但要是男生夠喜歡妳，他怎樣也會讓妳知道他的心意，表白有許多形式，不一定是晚餐時送妳禮物再加上一句：「妳可唔可以做我女朋友？」，也可以是無聲勝有聲的在電影散場時拖著妳的手。不過，如果他真的想妳做他女友，他還是有他的方式的。

那麼，是不是說女生K 表錯情？也不一定，我不是男生肚裡的蟲，也就不便代答了！只是由普通朋友到變成戀人，是一種現在進行式，即是一個過程，男女互相持續有來有往的發送訊號才是最佳的明證。與其留戀那曾經心動的一刻，不如締造連續不斷的交流，這才更實際。

By Terry, 你的Love Coach

從藍男大婚到拜年問候

王祖藍同李亞男呢一對，

真係好傳奇，

佢地响埋一齊嘅時候，

二人嘅高度已經成為街坊嘅話題，

佢地嘅結合似乎開破左俊男美女嘅公式！

甚至連祖藍自己都作左隻

《青蛙王子》嘅歌送比老婆添！

以李亞男嘅條件，

佢有好多選擇，

所以最後揀左祖藍，

可見祖藍真係有過人之處。

今次唔係要同大家講什麼

不要以貌取人的故事，

而係想提醒一下

仍然單身的姊妹，

係時候問下自己：

當有個未必同自己期望

一樣嘅男生追求自己，

究竟自己會唔會接受？　

大家不妨想像一下，

因為呢個好可能係最合符現實的情況！

凡事都要有心理準備，

或者咁講，

試試還原愛情基本步，

唔好定太多條件先，

有時妳以為d條件越具體越好，

但如果妳死守嘅話，

好可能會推自己到一個框框之中，

只會覺得個男生呢樣唔好

果樣又唔順眼，

最後妳非但變不了公主，

而是得了公主病，

對別人要求多多而不自知，

甚至會錯過了大好姻緣！　

如果係外型唔夾，

情況唔算難搞，

等你同佢拍拖之後，

你可以幫助買返d啱你心水嘅衣物，

女朋友揀嘅同送嘅，

佢試過著過好睇自然會跟你㗎啦。

相反，如果唔夾嘅係價值觀，

相方對生育嘅期望，

咁就好難搞，

呢d都係快d搞清楚，

夾唔到都唔可惜！

最慘嘅係明知大家無將來

但又暫時拍住先，

真係浪費大好青春㗎！

好快又到農曆新年，

又係比人問拍拖未嘅時候，

姊妹們係時候調節一下

之前寫落嘅一堆擇偶條件啦，

fine tone 下，

適應返個大氣候同境環，

物競天擇，適者生存，

其實都適用於婚戀供求關係。

by Joe, 你的Love Coach

情人節情歸何處？

許多單身女生視2月14日為7月14日，一年又一年地一個人渡過情人節，心中總是不是味意，誰不想找個單身男生約會一下？問題是：究竟男人都往哪裡跑了？

一個很好的問題，我真心認為，如果女生有心搵老公，真的要做下調查，了解哪兒有你喜歡的單身男性。

如果仍然年輕力壯，又或很想找女朋友的男生，他們會主動透過自己的網絡去結識心儀女性。換言之，女生要保持中學、大學及過往工作的人脈，出席這些群體的聯誼活動；說不定當年不起眼的小伙子，今天已經是某大公司的主管呢！一般來說，這群後生仔要結識女友也沒有太大困難。如果他們有宗教信仰，有穩定的教會生活的話，大部分都是教會單身女性的發展目標！

當然，仍然有一部分適婚單身男做了宅男，他們與外界的聯係比較鬆散，也沒有加入一些歸屬感很強的組織，往往流連網絡，他們在網絡世界可以是十分活躍的一群。其實他們許多時只是不熱衷社交生活，但人品、背景、見識、工作等條件一點也不遜色，實在也是一個筍盤。

如果要進一步接觸他們，需要女生們更多的主動與心思。這些男生都有家人朋友，只是並不活躍，大部分能夠透過家人或十分相熟的朋友接觸得到，所以有心人要花點時間去交朋結友，透過朋友介紹拉線依然是十分強大的人際網絡力量！

對男生來說，跟工作有關的課程、工作坊、研討會等，他們也會積極參與。工餘的興趣班也是一個頗能遇見合適單身男的地方！因為既然參加得這些活動，大家已經有一定的共同背景或話題，也會令男女之間的互動來得更自然。

反過來說，我也想奉勸那些仍然有感情需要的單身男生，多點參加親人朋友的邀約，出席多些社交活動。假如有朋友願意安排跟女生見面食飯，也爽快一點應承出席。其實無論男女，都需要對方令自己的工餘生活更多姿彩。

在我的觀察及經驗中，不少男生本來都十分抗拒參加聯誼活動，誰知當試過一次之後，發現實況比想像的開心，也體會到一班人有男有女，大家看事物的角度可以很不同，正是這些不同豐富了彼此的生命呢！

希望仍然單身的你，在明天的情人節去下Party，參加不同活動，踏出成功的一步！

Terry, 你的Love Coach

圖片來源：　
Copyright: <a href='http://www.123rf.com/profile_ruengrit'>ruengrit / 123RF Stock Photo</a>

事先張揚的嗌咬底線

宅男女神Ella 同醫生男友拉埋天窗，

原來佢地拍拖時已有不明文協議，

就係無論Ella 點發脾氣，

老公都要想辦法氹返佢開心，

而且一旦發生爭執，

雙方都要留下去解決問題，

唔可以一走了之。

聽原Ella 嘅分享，

覺得佢唔止樣靚咁簡單，

真係美貌與智慧並重！

兩個人相處，

最緊要互相了解及遷就，

協調適應到對方就係最好㗎啦！

無論女生幾靚都好，

如果有公主病的確係好趕客下，

奉勸各位女生還是少發脾氣為妙，

因為男生响感情開始之時，

氹下女朋友係okay 嘅，

但如果妳發脾氣當食生菜，

無日無之都真係好頭痕，

真係無男人頂得順架！

有D女生以男友對自己發脾氣嘅

容忍程度黎「考驗」男友對自己有幾真心，

哇，呢D心態真係唔要得，

正所謂己所不欲，勿施於人，

大家無謂搞呢D，

處理得不好可能弄巧反拙，

搞到男友同妳分手就後悔莫及！

Ella 聰明嘅地方係佢事先張揚，

雙方都明白大家嘅底線，

將衝突嘅情況放係可以控制嘅範圍之內，

即使有唔同意見或情緒，

都會願意去共同面對及決解，

即係唔會比個情況一路差落去，

由此可見Ella 同老公都好珍惜對方，

好著緊二人嘅關係。

好多情侶為吵大鑊到嗌晒分手，

都係因為唔識得處理衝突，

多數係女方要求講清楚，

男方卻選擇逃避出走。

Joe, 你的Love Coach

愛情，從來都不是等回來的！

身邊有搵老公/老婆需要的兄弟姊妹很多，有些看起來對尋找伴侶漫不經心，你以為他/她已經不食人間煙火，細問之下，原來是另一個故事。

A小姐喜歡上公司一位男同事，但仍未搞清楚他是否單身、是否對自己有好感、個性是否跟自己夾得來等等。由於太多未知數，我還以為他是她的新同事，卻原來二人已經工作了一段頗長的時間。

究竟A小姐怎麼可以維持這種狀態？既不放棄也不進取的一種含糊關係，其實這是很虛耗心力及時間。

這種暗戀真的害人不淺，但有人就是喜歡在自己頭上製造雲霧，日子添加了這些單方面的曖昧似乎不致於太乏味吧！可是實際上這種等待也太奢侈了，A小姐什麼也沒有做，沒有弄清楚對方是否單身已經大錯特錯，也沒有留意對方是否對自己有好感，亦沒有嘗試過吸引意中人。A小姐的情況似乎是一種病態沉溺多一點，因為最美的東西都只是她的幻想而已，我估計她從沒有想過真的可以成為那男生的女朋友，她只是在編織一個夢而已。

你大概會以為A小姐是個虛擬人物，我告訴你這是真有其人的，有人就是不相信有男生會真的喜歡自己，所以只會躲閃一旁，偷看也快樂。那麼有沒有這種男生？當然也有，現在的男生有些宅得很，即使喜歡上某位女生都不動聲色，結果當然是食白果，得到鑽石王老五之美名。但我相信A小姐及宅男都是有苦自己知的。

如何把渴望及需要變為可能達成的目標？

我相信這是一眾追尋幸福婚姻的男女必須思考的。愛情，從來都不是等回來的！你可能會列出一些男女，他/她們只是偶遇自己的伴侶，怎麼自己卻要花那麼多力氣去搵老婆老公？

佳偶天成不是沒有的，你要等運到也是沒有人會責怪你，只是那些看似什麼也沒有做的男女，其實就已經具備了吸引異性的元素，只是你以為自己跟對方等起平坐而已。與其守株待兔，何不試試主動出擊，追回浪費了的時間？

By Terry, 你的Love Coach


圖片來源：

Copyright: <a href='http://www.123rf.com/profile_imagevectors'>imagevectors / 123RF Stock Photo</a>

美女都靠介紹人！

前幾日睇娛樂版，

喜見胡杏兒同40歲才俊拍拖，

而且兩人大方公開承認對方情侶關係，

真係羡煞旁人呢！

再睇埋報導先知，

原來胡杏兒係透過「朋友介紹」識到現任男友。

點解我要用引號引起「朋友介紹」四個字？

莫非呢個方法有咩新意！？

正所謂方法唔怕舊，

最緊要係work，

其實女生想識男友，

搵朋友介紹、幫手真係very good ar！

呢個方法可以話係好傳統，

有唔少女生覺得呢種方法好老土。

大部分唔肯搵朋友介紹嘅原因，

萬變不離其中，

包括左第一位嘅：唔好意思開口。

簡單黎講係面皮薄過紙，

怕比人知道自己需要男人係好無面嘅一回事。

我衷心奉勸各位怕羞嘅姊妹，

究竟面子重要定係男友重要？

其實呢個年頭，

一般人都唔太自告奮勇咁做雞仔媒人，

因此如果妳唔講，

人地係唔會咁主動幫妳，

甚至怕影响大家之間嘅友誼，

相反只要妳主動去搵人幫手，

雖然未必即時有好介紹，

但都會幫下眼。

其次，係好多女生原來無咩朋友，

你無聽錯，係無朋友！

我見過唔少女生話畢業後開始工作，

已經無同同學聯絡，

而家只顧工作，

仇家就有一堆，

而且係絕對唔會比同事知道自己野，

咁樣你話佢無朋友真係會成立㗎！

香港女生苦幹工作的指數好勁，

但真係唔好搞到連朋友都無，

其實你唔識得去keep 住友誼，

都反映左你未必能夠好好去發展一段感情，

需知道情侶好多時都係由朋友開始做起，

就算係參加speed dating 都好，

你都只係買個結識朋友嘅機會，

至於點樣發展到做情侶，

都要用上一般交朋結友的能力架！

重有一種係以前求求奇奇

開玩笑式叫過朋友介紹，

點知見人地無咩反應就唔再叫，

咁樣做好明白顯係怕尷尬嘅變奏版啦。

人地以為你講笑，

也不當作一回事，

你响咁嘅情況下放棄係好唔抵！

倒不如學習一下點樣請人幫手，

選擇適當嘅時機同場合，

最重要係搵「對」的人做介紹人，

咁樣先可以事半功倍！

有一樣野不得不提，

如果妳想得到朋友嘅幫肋，

請務必扮靚D、培養溫柔、善解人意、有愛心等美德，

因為朋友都會睇下女生嘅質素，

覺得能夠成功推介嘅機會有返咁上下高

先會冒住做雞仔媒人嘅風險幫妳。

你知啦，做媒人呢家野要負責任架，

所以你也要做好預備功夫，

自己準備就緒先好開口，

當然少不得幾張

見得下人嘅相片啦！

其實如果大家用正面、健康嘅心態

看待搵朋友介紹呢種方法，

其實佢嘅成功率都幾高架，

大家不妨趁住就黎新年，

同d好朋友聚舊時順便叫朋友幫下手，

好可能你會有意外驚喜呢！

Joe, 你的Love Coach

我年紀唔細，點算好？

所謂年紀唔輕，我是指年齡介乎36至45的熟齡女性。根據多年配對經驗，這個年齡群組的女性傾向選擇40歲或以上的男生做伴侶，但年齡介乎40至要50歲的男性卻會選擇找36或以下的女性為伴侶，很明顯出現供不應求的情況。

這個情況似乎很難改變，熟齡姊妹要突圍而出，從困境中找到出路也不是沒有辦法，只是大家要捬心自問：「我為左搵個好老公，可以去到幾盡？」

正所謂良好態度才是王道，熟齡女性一定要願意改變自己固有的想法及行為模式。這是鐵律，也是令熟齡姊妹最感困擾的。無他，大家都生活了這麼多年，平時樸素不打扮，當被要求去理髮添新衣，竟然也會不高興，覺得自己去到現在這個年紀還要「討好」男性。

每當我聽到這些類似「討好」的字眼，只會覺得這比講粗口還要難聽！假如妳想搵個好伴侶，請先懷有一個健康的兩性相處態度，假如閣下感到很屈就，那麼請三思婚姻是否真的適合妳，既想結婚又不想改變自己遷就他人，這樣就是緣木求魚，抱著這種心態的女性很難遇上適合妳的男生呢。

有了良好態度，下一步就是切法擴濶生活圈子，透過接觸大量男生，從中篩選可以發展的對象，大家可以試試以下方法：

1.　嫁個老外

根據近年人口調查顯示，香港男女比例的差距越來越大，男少女多的情況日趨嚴重，在香港要遇上理想對象越發困難，香港女性似乎向外尋找姻緣已是大勢所趨。為什麼不到中國去找，而要嫁到外國去？無他，因為外國人對年齡的接受程度遠高於華人，熟齡姊妹能夠交上年紀相約的老外的機會較多也較大。

2.　參加興趣班

熟齡姊妹宜好好規劃時間，善於利用空閒時間參加不同的興趣班，於玩樂中認識新朋友，即使未能結識適合的男生，也享受活動的樂趣。同時建議大家參加一些多男生的活動，如各式運動，主動到有男生的場合去，增加遇上Mr. Right 的機會。

3.　善用Online 結識男生

大家都奇怪究竟香港男生都跑到哪兒去？答：網上世界。因此如果你想找到男生，到網上的Dating 世界中，妳將會接觸到許多男生，那時的問題不再是沒有男生，而是男生太多，你需要懂得分辨哪些是合適可發展對象！

Terry, 你的Love Coach