《搵個好老公》一書終於面世，
呢本可謂我同Terry嘅心血結晶。
由撰寫、排版設計到印刷，
歷時差不多有9個月，
但其實書中的內容及心得，
係集合呢幾年主理「搵好老公計劃」嘅經驗、
同埋幫助大家脫離單身的戀愛顧問閱歷而成嘅！
有人問我地：點解會想出本書呢？
原因真係好簡單，我地睇住好多想搵老公嘅好姊妹，
佢地響尋找伴侶嘅過程本來可以無咁複雜，
但係因為無人提點，或者是旁觀者清吧，
思維總係不知不覺落入一D陷阱之中，
例如最普遍嘅情況係女生堅持等個有情人，
於是我行我素，繼續返工，
又或者打算用錢買機會，
但對自己本身嘅條件及限制視而不見，
太過依賴中介公司代勞，
令成件事似買賣多過愛情。
以上諸如此類的阻礙多不勝數，
我地出呢本書，
只係為左減少好姊妹碰壁嘅情況啫，
等大家條路行得舒服D！
同埋經過咁多年嘅觀察，
搵老公同搵其他你重視嘅野一樣，
你係必須要投入時間同埋自己個心，
先至可以有所收穫㗎！
本書一開始唔係教大家什麼技巧，
而係先設定一個良好心態，
正所謂態度決定高度，
修左心法再去練招式，
咁就事半功倍啦！
衷心希望各位有心搵年侶嘅姊妹，
睇完本書有所啟發！
沒有留言:
張貼留言