一聽到「愛自己」呢三個字，
好多女生都會誤會：
「你叫我愛自己，
咁係咪即係勸我單身生活都可以好好，
又安慰我唔好急於搵老公呀？」
姊妹們似乎對「愛自己」很敏感，
其實如果大家想有一段幸福的愛情，
真係要先懂得「愛自己」，
你才能令你的伴侶得到快樂。
呢個次序或者思法可能令你覺得人云亦云啫，
道理係咁講，
但究竟咩叫做「愛自己」先？
簡單黎講，
愛自己就係懂得自得其樂、
能夠好好照顧自己、擁有自信心、
能夠如實表達自己的感受及想法。
你可能會說這些句子你都懂，
不如舉一些實例係唔夠愛自己：
明明妳喜歡食日本菜，
但為左討好男友就話去打邊爐，
覺得做人女友係要遷就男生，
誰不知你事事「犧性自己」，
男生只覺得係你自願咁做，
又無人搵槍指住你要你咁揀。
於是積積埋埋，
妳就覺得自己好委屈，
因為付出左卻得唔到欣賞，
最後變為失望、乏力。
如果妳懂得「愛自己」，
妳就唔怕向男生表達妳嘅真實感受，
甚至係一D同男生持相反嘅意見，
因為妳唔係只係為左討好對方而漠視自己嘅感受。
有好多女生混淆左「愛自己」及「自私」，
誤將兩者劃上等號，
於是凡事遷就男方才算體胋、有愛心，
但長期「自我犧牲」下，
總有爆炸的一日，
埋怨積存心中，
一爆發就有如磨菰雲咁好大殺傷力 ！
其實一句到尾，
只要妳「懂得愛自己」，
能夠有獨立的人格、思想及行動力，
先有能力去支持你所愛的人。
妳不是用愛去綁住他，
而是用愛去吸引他留在妳身邊。
圖片來源：Copyright: <a
href='http://www.123rf.com/profile_nikpet'>nikpet / 123RF Stock
Photo</a>
沒有留言:
張貼留言