響剛過去的11月27-29日，
我同幾位單身港男近近地去左轉台北，
同果邊D清純女生傾計做下朋友啦。
香港女生同台灣女生有咩分別？
似乎一咁樣比較下，
好多男生都會得出類似結論：
香港女仔感覺比台灣女仔強勢一點，
即係大家一般會用「溫柔D」黎形容台女，
今次嘅台灣之旅，
我完全feel 到台灣女生那種溫柔！
最厲害嘅係，佢地唔係扮野扮出黎，
就算當初堅係扮野，
而家已經習慣成自然啦！
我地無論去到邊，
由服務員、店員到活動的參加者，
個個說話時嘅語氣都十分溫和，
唔單D音高高低低咁，
好悅耳又舒服，
最重要係每句句尾都有尾音，
真係有種餘韻未盡嘅感覺！
我認為香港女生響呢方面可以學習一下，
響適當時候展現一下女性的嫵媚，
令男生感受一下女性的氣質，
令雙方的互動更具吸引力！
其實說話談吐柔和溫文唔單止係女性嘅專利，
我都鼓勵男生在女生面前說話要有尾音，
盡量柔和，那麼你們的交談唔單止只是交換資料，
同時都傳達緊「我喜歡同你傾計」、
「我想進一步認識你」、「我對你有興趣」等的感受。
大家不妨透過說話語氣營造一種溫馨親蜜的氣氛與關係！
圖片來源：
Copyright: <a
href='http://www.123rf.com/profile_kazakphoto'>kazakphoto / 123RF Stock
Photo</a>
沒有留言:
張貼留言