港台節目《我係乜乜乜》請黎劉鳴煒同游學修
讓港女響佢地之間二揀一，
未見真身時，
游學修原本領先㗎，
點知一開樣黎個360度大逆轉！
節目出街之後引來全城討論
重點都係比較劉游二人個package
然後就係港女臨時轉䭾
大家都熱烈討論港女有幾實際
有幾向錢看之時
作為香港女性嘅一分子
都係時候消化下、思想下
自己究竟鐘意咩人啦。
無論你揀劉鳴煒定游學修
其實兩個對你而言係天方夜譚都未定
呢個世界你揀人、人揀你，
劉鳴煒個package 係好好，
但你以為跟佢拍拖就一定「受得起」、包你幸福？
至於游學修，其實要埋佢身都未必係易事
至少大家嘅價值觀要一致先得
係香港地講理想晤係單靠把口
實行起黎都要好有自信同胆色先做得到。
可能大家會好奇，
照我如上所言，
好似兩個都未必係筍盤喎，
係！你估中左啦！
所謂「筍盤」，有時於你係「筍」，
對我黎講就係受唔起囉，
筍盤呢家野，
如人飲水，冷暖自知。
搵自己嘅筍盤，
第一係要有自知之名，
如實評估自身嘅條件，
中國古代有所謂竹門對竹門、
木門對門木嘅說法，
其實係有點道理嘅，
就係同類或同一個階層嘅人，
由於生活環境同習性相近，
係比較容易相處及維繫關係㗎。
咁當然人望高處，
如果你想越級挑戰，
不能只係心想有日走運，
比筍盤忽然恩竉睇上自己，
而係積極裝備自己，
令自己成功升呢，
升呢包括外表如衣著打扮談吐，
咁一定唔少得係內在修養、
信念、生活習慣、價值觀咁。
其實，一句到尾，
呢個世界係無免費午餐，
無論你嘅筍盤係咩條件，
都要不僅只對別人有要求，
也要自信努力做好自己，
令自己值得被愛！
圖片來源：網上cap 圖
沒有留言:
張貼留言