最近幫Y先生按排同女生約會，
第一次說忙推了，
第二次仍然好忙，
話新年積了一枱工作，
要趕緊完成。
當佢拒絕我嘅時候，
心裡都鄧佢乾著急，
因為需知道呢位仁兄嘅
擇偶要求一D都唔低，
除左斯文大方靚女窈窕呢D基本工之外，
又話要女方最好識整意大利菜，
其實唔止㗎，
只係不能一一盡錄。
為左令呢位大忙人成功約會，
我又再試試協調：
「如果星期六日都騰不出時間，
不如試試平日夜晚？」
換來的是「平日夜晚不是更忙嗎？」的回覆。
至於那些一大串的擇偶要求
就更加半步不讓啦。
其實我真唔係要潑佢冷水，
老老實實，
搵到個啱嘅女生比你時，
你又話忙又話黎唔到；
等得你得閒又遇唔到合適嘅女生，
哇，有時要夾啱天時地利人和
重難過中六合彩！
响上黎找我地個１對１配對嘅人之中，
無分男女（呢次真係好公平），
大家都似乎都希望對方「讓到盡」，
最好係我幾時得閒你就隨傳隨到，
呢種心態當然唔係宣之於口咁難梗呢，
其實係講唔出口嘅，
因為心裡都知呢d統稱做「無理要求」呀麻。
但當大家停下來想一想，
你雖然無講出口，
但你嘅回應、拒絕、要求，
不就是正正反映緊呢種心態嗎？
忙已經係愛情殺手的第一位，
但呢個只係今次重點嘅一半，
最慘嘅係加埋企硬同堅持：
「我一定唔可以去某些餐廳、
男生一定唔可以感覺老土、
女生一定唔可以講野唔溫柔、
我係一定唔可以陪佢去睇果套爛片……」
究竟大家重有幾多「一定唔可以」㗎？
可惜嘅係，响感情諮師看來，
就係僅僅因為呢d 旁枝細末而唔出黎見面，
一句再等下先真係唔知會等到幾時。
唔係話唔幫你搵，
而真係要大家嘅配合，
有D 野機會難逢，
真係有心人就唔好咁輕易放棄！
到你空閒先黎見再黎搵，
話唔埋對方係咪得閒，
而且夾左幾次你都唔得
對方個心都涼左半截啦。
機會係留比有準備嘅人，
同埋有時交朋結友嘅野，
比D 彈性好，
做matching
好處係集中搵符合要求嘅對象，
但又唔好話去到另一個極端呢！
如果你本身好忙而又要求超高，
真係要全方位調節下囉。
By Joe, 你的Love Coach
圖片來源：
Copyright: <a
href='http://www.123rf.com/profile_yaryhee'>yaryhee / 123RF Stock
Photo</a>
沒有留言:
張貼留言